FRANCE #‎PRAYFORPARIS

საფრანგეთის დედაქალაქ პარიზში ტერორისტული აქტები განხორციელდა. დაღუპულთა რიცხვი სულ უფრო მატულობს. საფრანგეთის პოლიცია და არმია ანტიტერორისტულ ოპერაციას ახორციელებენ. საფრანგეთის პრეზიდენტმა, ფრანსუა ოლანდმა ძალოვანი მინისტრების საგანგებო სხდომა მოიწვია. მანვე ფრანგ ხალხს სოლიდარობისა და სამძიმრის სიტყვებით მიმართა.

♥ ♥ ♥
"When the city of lights goes dark, the rest of the World lights up for her"
‪‎Pray for Paris

გლოვის სახით ჩამქრალია პარიზში ეიფელის კოშკის განათება, ის ბოლოს 11 სექტემბრის ტერაქტის გამო გამორთეს. პარიზის - "სინათლის ქალაქის" მხარდაჭერის მიზნით მსოფლიოს სხვადასხვა კუთხეში შენობა-მონუმენტები საფრანგეთის დროშის ფერებში აენთო: რიოში იესო ქრისტეს ქანდაკება და საფეხბურთო სტადიონი, ვაშინგტონის თეთრი სახლი და ჰოკეის სტადიონი, ნიუ იორკის One World სავაჭრო ცენტრის კოშკი, სან ფრანცისკოს მერიის შენობა, სიდნეის ოპერის შენობა, მექსიკაში თავისუფლების ანგელოზის მონუმენტი, შანხაის Pearl ცათამბჯენი, ტორონტოს CN კოშკი და სხვა მრავალი... ასევე ჩაბნელდა ლას ვეგასში მდებარე მინი-ეიფელის კოშკი.

"ISIS ისლამურმა სახელმწიფომ" პარიზში განხორციელებულ ტერაქტებზე პასუხისმგებლობა აიღო. დაჯგუფებამ ოფიციალური განცხადება გაავრცელა და დაემუქრა საფრანგეთს: "მშვიდად ვერ იცხოვრებთ. ბაზარში გასვლაც კი შეგეშინდებათ. პარიზის ქუჩებს ცხედრებით ავავსებთ", - აცხადებს მებრძოლი. საფრანგეთი ISIS-ის სამიზნედ დევნილების შეფარების და თავისუფალი აღმსარებლობის პოლიტიკისთვის "ისჯება". ტერორისტები კრუსადერებს ანუ ჯვაროსნულ ომში მონაწილე ერებს მოუწოდებენ მიიღონ ისლამი, ან მათ სისხლით მოწმინდავენ იერუსალიმიდან და სრულიად მუსულმანური მიწებიდან.
ვილოცოთ მსოფლიო მშვიდობისთვის